د روسیې د فدرالي امنیتي خدماتو د مشر د څرګندونو په ځواب کې، د افغانستان د اسلامي امارت ویاند مولوي ذبیح الله مجاهد ټینګار وکړ چې هیڅ هېواد باید له افغانستان څخه د راپورته کېدونکو ګواښونو په اړه اندیښنه ونلري، ځکه چې اسلامي امارت به اجازه ورنکړي چې د افغانستان له خاورې څخه د نورو هېوادونو پر وړاندې ناامني رامنځته شي.
دا څرګندونې وروسته له هغه وشوې چې الکساندر بورتنیکوف د خپلواکو دولتونو د ګډو ګټو په سرمشریزه کې د ترهګرۍ ضد اړیکو او له افغان چارواکو سره د همکارۍ د پراخولو پر اهمیت ټینګار وکړ.
