الجزیره راپور ورکړی چې د ترکیې محکمو د غزې په تړانګه کې د فلسطینیانو په وړاندې د جنګي جرمونو او نسل وژنې په تور د لومړي وزیر بنیامین نتنیاهو په ګډون د ۳۷ لوړ پوړو اسراییلي چارواکو د نیولو امرونه صادر کړي دي.
د راپور له مخې، د دفاع وزیر یسرایل کاټز، د کورنیو چارو وزیر اتمر بین ګیور، او د اسراییلو د پوځ لوی درستیز هرزي حلوي (عیال ضمیر) د تورنو کسانو په ډله کې دي.
د ترکیې قضايي پریکړه د بشري حقونو سازمانونو او نړیوالو وکیلانو لخوا په غزه کې د اسراییلي رژیم د کړنو په وړاندې د ګڼ شمیر شکایتونو وروسته شوې او دا د انقرې د هغو هڅو یوه برخه ده چې په نړیواله کچه جنګي جرمونه تعقیبوي.
د ترکیې حکومت مخکې له نړیوالې جنایي محکمې (ICC) څخه غوښتنه کړې وه چې نتنیاهو او اسراییلي چارواکي په ورته تورونو محاکمه کړي.
اسرائیل دا حکمونه رد کړي دي، او دوی یې “یهود ضد” بللي دي.
د ترکیې دا اقدام کولی شي د انقرې او تل ابیب ترمنځ تاوتریخوالی زیات کړي او د سیمه ایزو ډیپلوماتیکو اړیکو لپاره اغیزې ولري.
