د امریکا ولسمشر ډونالډ ټرمپ په ډېر شان او شوکت سره د “طلايي ګنبد” په نوم د توغندیو د ډال د جوړولو پلان اعلان کړ، او دا یې “ډیر پرمختللی” وباله.
د ټرمپ په وینا، دا د ۱۷۵ ملیارد ډالرو توغندیو دفاعي سیسټم به وکولی شي چې متحده ایالات د هر ډول توغندیو برید په وړاندې، حتی له فضا څخه، د نږدې ۱۰۰ سلنې خوندیتوب کچه سره خوندي کړي!
هغه دا ټکنالوژي “بې ساري” وبلله او ادعا یې وکړه چې کاناډا په دې پروژه کې د ګډون لپاره خپله لیوالتیا څرګنده کړې ده.
د ټرمپ په وینا، د “طلایی ګنبد” جوړول به له ۲.۵ څخه تر ۳ کلونو پورې وخت ونیسي.
