په بیجینګ کې د اسلامي امارت سفیر بلال کریمي د منځنۍ اسیا د نفتو او ګازو د شرکت له مشر لی وین بن سره وکتل او په افغانستان کې یې د نفتو او ګازو د استخراج په اړه بحث او خبرې وکړې.
په بیجینګ کې د افغانستان سفارت په یوه خبرپاڼه کې خبرتېا کړی، چې په دې غونډه کې د دغه شرکت مشر د تېلو د استخراج پر پروژې د ټینګار ترڅنګ وویل، چې د تېلو د استخراج د بهیر د چټکتیا په موخه به په نږدې راتلونکي کې د شاوخوا یو لکو سل میلیونه ډالره په ارزښت ماشینونه او تجهیزات به افغانستان ته ولیږي.
لي وین بن دا هم وويل چې هڅه کوي افغان انجنيرانو ته په چين کې د روزنې زمينه برابره کړي.
