افغانستان
په کابل کې د اسلامي امارت د رهبر د فرمانونو د پایلو په اړه علمي کنفرانس پیلېږي
د لوړو زدهکړو وزارت په ټولنیزه شبکه ایکس کې د یوې خبرپاڼې په خپرولو سره اعلان کړی چې د اسلامي امارت د رهبر د فرمانونو د پایلو په اړه علمي او څېړنیز کنفرانس به تر لږو شېبو وروسته د کابل پوهنتون کې پیل شي.
دغه کنفرانس د لوړو زدهکړو وزارت په مشرۍ او د وردګو پوهنتون له لوري جوړېږي چې په کې به د اسلامي امارت د رهبر د فرمانونو شرعي، ټولنیزې، سیاسي، اقتصادي او کلتوري پایلې وڅېړل شي.
د دغه وزارت په وینا، په دې کنفرانس کې به زرګونه دیني عالمان، د پوهنتونونو استادان، څېړونکي او د اسلامي امارت لوړپوړي چارواکي ګډون وکړي.








