د بشري حقونو د سازمانونو د راپورونو له مخې، ټاکل شوې ده چې د بحرین ستره محکمه د یکشنبې په ورځ (د ۱۴۰۵ کال د لړم ۱۷مه) د ۶۰ شیعه عالمانو او روحانیونو او ۹ نورو کسانو د برخلیک په اړه حکم صادر کړي.
دغه کسان د حکومت د مخالفې ډلې د جوړولو او د بحرین د سیاسي نظام د نسکورولو د هڅې په ګډون له بېلابېلو تورونو سره مخ دي؛ خو مدافع وکیلانو او د هغوی کورنیو دغه تورونه په کلکه رد کړي دي.
په همدې وخت کې، د بښنې نړیوال سازمان او د بشري حقونو د څار سازمان په ګډون ۲۰ د بشري حقونو سازمانونو د دغې محاکمې بهیر ناعادلانه بللی او د شکنجې، په زور د اعتراف اخیستلو او د شیعه روحانیونو د عادلانه محاکمې حق ته د نه لاسرسي په اړه یې اندېښنه څرګنده کړې ده.
