د کډوالو او راستنیدونکو چارو وزارت اعلان کړی چې په روانه اونۍ کې ۳۲۵ افغان کډوال د پاکستان له زندانونو څخه خوشې شوي او د تورخم او سپین بولدک بندرونو له لارې هیواد ته راستانه شوي دي.
د وزارت په وینا، ۱۵۶ کسان د تورخم له لارې او ۱۶۹ نور د سپین بولدک له لارې افغانستان ته داخل شوي دي.
د خوشې شویو کسانو په منځ کې کورنۍ، ماشومان او مجرد کسان شامل دي چې د خپل بند مودې له تېرېدو وروسته خوشې شوي او د اړینو مرستو ترلاسه کولو وروسته خپلو اصلي سیمو ته لیږدول شوي دي.
#افغانستان #پاکستان #کډوال #راستنیدونکي #د_کډوالو_وزارت #سفیر_ټی وی
