د برتانیا د دفاع وزیر جان هیلي له استعفا یوه ورځ څخه لږ وروسته، د هیواد د وسله والو ځواکونو وزیر ال کارنس هم له خپلې دندې استعفا ورکړه.
په خپل استعفا لیک کې، ال کارنس د کییر سټارمر حکومت د دفاعي پانګونې پلانونو باندې نیوکه وکړه، او هغه یې د امنیتي او نظامي ننګونو ته د ځواب ویلو لپاره کافي نه ګڼل.
په لنډه موده کې د دفاع وزارت کې د دوهم لوړ پوړي چارواکي استعفا د برتانیا پر حکومت فشار زیات کړی او د بودیجې او دفاعي پالیسیو په اړه یې داخلي اختلافات څرګند کړي دي.
دا پرمختګونه په داسې وخت کې کیږي چې د برتانیا حکومت له اقتصادي ننګونو، د بودیجې محدودیتونو او د هیواد د پوځي چمتووالي په اړه د مخ په زیاتیدونکو اندیښنو سره مخ دی.
سیاسي کارپوهان په دې باور دي چې په دفاعي سکتور کې د استعفاګانو دوام کولی شي د برتانیا د لومړي وزیر کییر سټارمر سیاسي دریځ ته زیان ورسوي او د حکومت دننه کړکیچ لا پسې زیات کړي.
#بریتانیا #د دفاع وزارت #جان هیلي #ال کارنس #کییر سټارمر #استعفی #دفاع بودیجه
