سیمه ییزو سرچینو راپور ورکړ چې د امریکا جنګي الوتکو تیره شپه د هرمز تنګي کې د لارک ټاپو په سویل کې څو کښتۍ په نښه کړې؛ د دې راپورونو له مخې، د دې بریدونو په پایله کې یو شمیر ایراني اتباع ووژل شول.
د دې پیښې وروسته، سنټکام د بریدونو مسؤلیت په غاړه واخیست او اعلان یې وکړ چې دا عملیات د “ځان دفاع” په بڼه ترسره شوي.
د سنټکام ویاند فاکس نیوز ته وویل چې په سویلي ایران کې امریکایي ځواکونو د توغندیو د توغولو ځایونه او کښتۍ په نښه کړې چې د هغه په وینا، احتمالاً ماینونه ښخوي.
سنټکام دا هم ټینګار وکړ چې دا بریدونه د خبرو اترو پروسې سره په ورته وخت کې او د “د امریکایي ځواکونو د امنیت ساتنې” په چوکاټ کې ترسره شوي او دا ځواکونه به په دفاعي حالت کې پاتې شي.
