د هیواد د ملي چاپیریال ساتنې ادارې اعلان وکړ چې د دې ادارې عمومي رییس مولوي مطیع الحق خالص د رسمي پلاوي په مشرۍ د آذربایجان په پلازمینه باکو کې د نړیوال ښاري فورم (WUF13) په ۱۳م نړیوال فورم (WUF13) کې ګډون کړی دی.
دا غونډه د ملګرو ملتونو د بشري میشت ځایونو پروګرام په نوښت د ۱۸۰ څخه زیاتو هیوادونو د استازو په ګډون ترسره شوه او تمرکز یې دوامداره ښاري پراختیا، د اقلیم بدلون سره مبارزه او د خوندي او انعطاف منونکو ښارونو رامینځته کول دي.
ټاکل شوې ده چې افغان پلاوی د دې فورم په ځانګړو غونډو کې د اقلیم بدلون، وچکالۍ، د هوا ککړتیا او ښاري پراختیا په برخو کې د نړیوالو ادارو سره د هیواد نظرونه او اړتیاوې شریکې کړي.
