د امریکا ولسمشر ډونلډ ټرمپ په یوه نوي فرمان کې امریکا ته د افغان او پاکستاني اتباعو سفر محدود یا منع کړی دی.
دا پرېکړه چې ښايي راتلونکې اونۍ عملي شي، د هغو زرګونو افغانانو برخلیک به اغېزمن کړي چې لا له وړاندې د کډوالو په توګه یا د ځانګړو ویزو په لرلو سره په متحده ایالاتو کې د استوګنې لپاره د لازمو اداري پروسیجرونو له لارې تللي دي.
له بلې خوا د ټرمپ د ادارې د حکم له مخې د افغانانو د بیرته ستنولو د عملیاتو د همغږۍ دفتر هم باید د ۲۰۲۵ کال تر اپریل پورې د خپلو تړلو پلان وړاندې کړي.
