د روغتیا نړیوال سازمان وايي، په افغانستان کې یې د سلو زرو ماشومانو درملنه کړې چې په “حاد خوارځواکۍ” اخته دي.
دغه سازمان په ایکس کې ویلي چې په دغه هېواد کې د خوارځواکۍ د ناروغانو درملنه د اسیا او ارام سمندر لپاره د اروپايي ټولنې د مرستو د څانګې په همکارۍ ترسره شوې ده.
دا په داسې حال کې ده، چې تر دې مخکې دغه سازمان ویلي وو، چې په افغانستان کې ۲،۹ میلیونه له پنځو کلونو کم عمره ماشومان له خوارځواکۍ سره مخ دي.
د روغتیا د نړیوال سازمان د پخواني راپور له مخې، ۸۵۰ زره ماشومان چې عمرونه یې تر پنځو کلونو کم دي، په «حاد خوارځواکۍ» اخته دي.
