یوې نوې څېړنې ښودلې چې د ژوند په لومړیو زرو ورځو کې د بورې د مصرف محدودول ښايي په لویوالي کې د اضطراب د رامنځته کېدو له کم خطر سره تړاو ولري؛ څېړونکو په بریتانیا کې د ۱۹۵۱ او ۱۹۵۶ کلونو ترمنځ د زېږېدلو له ۴۵ زرو څخه د ډېرو کسانو معلومات څېړلي دي.
د دې څېړنې د موندنو له مخې، هغه کسان چې د ماشومتوب پر مهال د اوږدې مودې لپاره د بورې د سهمیې تابع وو، د اضطراب له خطر سره ۳۳ سلنه لږ مخامخ شوي او په دوی کې د اضطراب د پیل منځنی عمر هم لوړ و.
څېړونکي وايي، د ژوند په لومړیو کلونو کې تغذیه کولی شي د دماغ پر وده او جوړښت اوږدمهاله اغېزې ولري؛ خو دا موندنې یوازې د دغو عواملو ترمنځ اړیکه ښيي او په یوازې ځان د علت او معلول اړیکه نه ثابتوي.
#بوره #اضطراب #روغتیا #تغذیه #ماشومان #علمي_څېړنه
