د الجزایر چارواکي وايي چې د هیواد په څو ولایتونو کې د ځنګلونو د پراخو اورلګېدنې له امله ۱۲ تنه مړه شوي او ۵۴ نور ټپیان شوي دي.
د رویټرز په وینا، د الجزایر د کورنیو چارو وزیر سعید صیود وویل چې اورلګېدنه په شمالي افریقا کې د سختې تودوخې څپې په وخت کې رامنځته شوه؛ پنځه کسان په جیجیل کې، څلور په بیجایا کې او درې نور په تیزي اوزو کې مړه شوي دي.
د چارواکو په وینا، د شپږو ټپیانو حالت جدي بلل شوی او دوی په جدي پاملرنې کې دي.
د الجزایر د ملکي دفاع وزارت اعلان وکړ چې یوازې د چهارشنبې په ورځ په ټول هیواد کې ۱۵۴ اورلګېدنې ثبت شوې، چې ځینې یې د ژغورنې ځواکونو لخوا کنټرول شوې دي.
#الجزایر #اورونه #ځنګل_اورونه #تودوخه_څپې #افریقا #سفیر_ټی وی
