خبري سرچینو راپور ورکړی، چې د روسیې د لومړي وزیر د مرستیال په مشرۍ یو لوړپوړی پلاوی به د پنجشنبې په ورځ کابل ته سفر وکړي.
د سرچینو په وینا، تر اوسه د دغه پلاوي د جوړښت، د سفر د موخو او د روسي چارواکو له اسلامي امارت د مسوولانو سره د لیدنو د پروګرام په اړه جزئیات نه دي خپاره شوي.
دا سفر په داسې حال کې ترسره کېږي، چې افغانستان او روسیې په وروستیو میاشتو کې د دوه اړخیزو اړیکو پر پراختیا، د اقتصادي همکاریو پر پیاوړتیا او د سیاسي تعاملاتو پر زیاتوالي ټینګار کړی دی.
