د روسیې د امنیت شورا مرستیال، دیمیتري میدویدیف، د پولنډ د ګډانسک په ښار کې د روسیې د قونسلګرۍ د ودانۍ د نیولو په ځواب کې د پولنډ د حکومت په وړاندې سختې څرګندونې وکړې.
میدویدیف ادعا وکړه چې روسیه کولی شي “د پولنډ د ولسمشرۍ ماڼۍ” بیرته ونیسو ځکه چې د هغه په وینا، دا ودانۍ د روسیې په پانګې او پیسو جوړه شوې وه.
هغه د پولنډ چارواکو هم نیوکه وکړه، ویې ویل چې “د ډیپلوماټیکو ملکیتونو د معافیت په اړه د پولنډیانو سره خبرې کول بې معنی دي” او د وارسا حکومت په وړاندې یې سخته ژبه وکاروله.
دا څرګندونې په داسې وخت کې راځي چې د اوکراین د جګړې او د دواړو هیوادونو ترمنځ د ډیپلوماتیکو شخړو وروسته د روسیې او پولنډ ترمنځ تاوتریخوالی دوام لري.
#روسیه #پولینډ #دمیتري_میدویدیف #ګدانسک #ډیپلوماتیک_تاوتریخوالی #اروپا
