د کورنیو چارو وزارت ویاند مفتي عبدالمتین “قانع” د دوشنبې په ورځ (۱۶ چنګاش ۱۴۰۴) په یوه مطبوعاتي اعلامیه کې اعلان وکړ چې د وزارت د مشرتابه غونډې د پریکړې او د کورنیو چارو سرپرست وزیر خلیفه سراج الدین حقاني د تصویب پر بنسټ، ټول پولیس چارواکي او نظامي پرسونل اړ دي چې د خپلو دندو د ترسره کولو پرمهال د اسلامي امارت د مشر لخوا تصویب شوی رسمي یونیفورم واغوندي.
د کورنیو چارو وزارت ویاند وویل چې دا اقدام د خلکو لخوا د پولیسو ځواکونو د پیژندنې اسانتیا او د امنیتي دندو په ترسره کولو کې د نظم د پیاوړتیا لپاره اخیستل کیږي.
په مطبوعاتي اعلامیه کې دا هم ویل شوي چې دا پریکړه د امنیت ډاډمنولو، د قانون پلي کولو او د جرمونو سره د مبارزې د وزارت د اصلي ماموریتونو سره سم شوې ده.
