د لومړنیو راپورونو له مخې، د فارس خلیج په قشم جزیره کې دوه توغندي لګېدلي دي؛ خو تر اوسه مسؤلو چارواکو د دې پېښې د احتمالي زیانونو په اړه جزئیات نه دي خپاره کړي.
په همدې حال کې، د امریکا ولسمشر ډونالډ ټرمپ، د ایران او قشم جزیرې ته څېرمه د بریدونو د راپورونو په اړه د یوه خبریال د پوښتنې په ځواب کې، د امریکا د رول په اړه له ښکاره تایید یا رد څخه ډډه وکړه او ویې ویل: «نه غواړم په دې اړه خبرې وکړم.»
ټرمپ زیاته کړه، چې امریکا محدود بریدونه ترسره کوي او ادعا یې وکړه، چې په دې سیمه کې یې جوړ شوي د هوايي دفاع تجهیزات یې په شاوخوا ۵ تر ۱۵ دقیقو کې له منځه وړي دي.
