د یمن وسلهوالو ځواکونو اعلان کړی، چې د بابالمندب پر لور د سعودي عربستان تر قوماندې لاندې ځواکونو د پرمختګ هڅه یې شنډه کړې ده.
یوې پوځي سرچینې د سبا خبري اژانس ته ویلي، چې د دغو نښتو پر مهال د سعودي عربستان اړوندو ځواکونو ته درانه زیانونه اوښتي او یو شمېر کسان یې، د سعودي ځواکونو په ګډون، وژل شوي او ټپیان دي.
د دغې سرچینې په وینا، د دې عملیاتو ناکامي د سعودي عربستان اړوندو ځواکونو ترمنځ د ترینګلتیا، لفظي شخړو او اختلافاتو د زیاتېدو لامل شوې ده.
سرچینې زیاته کړې، چې سعودي افسران لا هم خپل ځواکونه پرمختګ او د ناکامو هڅو تکرار ته هڅوي او د تلفاتو له کچې پرته د عملیاتو پر دوام ټینګار کوي.
#یمن #باب_المندب #سعودي_عربستان #پوځي_نښتې #د_یمن_وسله_وال_ځواکونه
