د روسیې دفاع وزارت اعلان کړی چې د دغه هېواد هوايي دفاعي سیستمونو تېره شپه د روسیې پر بېلابېلو سیمو، د کریمیا او تور سمندر په ګډون، ۱۲۹ اوکرایني بېپیلوټه الوتکې کشف، رهګیري او له منځه وړي دي.
هممهاله، د روسیې دفاع وزارت ویلي چې د دغه هېواد د ۴۴م پوځ اړوند د «ګراد» څوګونې راکټي سیستم توپچي ځواکونو د سومي په سیمه کې د اوکرایني ځواکونو مواضع، د بېپیلوټه الوتکو د کنټرول مرکزونه او د اوکرایني سرتېرو پرسونل په نښه کړي دي.
