ترکي او سومالیا ځواکونو د کامرون بیرغ لرونکې بار وړونکې کښتۍ MV Latof، چې د سومالیا د نیمه خپلواکه پونټلینډ ایالت په ساحل کې د سمندري غلو لخوا تښتول شوې وه، د لسو ورځو عملیاتو وروسته خوشې کړه.
د سومالیا د دفاع وزارت اعلان وکړ چې د عملیاتو په جریان کې ۱۴ سمندري غله وژل شوي او د دوی څلور کښتۍ ویجاړې شوې دي؛ وزارت وویل چې د ګډو ځواکونو نظامي فشار بالاخره پاتې سمندري غله دې ته اړ کړل چې کښتۍ پریږدي.
عملیات د ترکیې او سومالیا ترمنځ د دفاعي همکارۍ د تړون سره سم ترسره شوي، چې موخه یې د سمندري امنیت پیاوړتیا، د سومالیا د ساحل ساتنه او د سمندري غلو سره مبارزه ده.
MV Latof، چې د ترکیې د تکیردګ بندر څخه روان و، د اګست په ۱۷مه د پونټلینډ د نوګال سیمې ته نږدې په اوبو کې تښتول شوی و او اوس د تنزانیا په دارالسلام کې خپل منزل ته روان دی.
#ترکیه #سومالیا #سمندري غله #کښتۍ #پنټلینډ #سمندري امنیت #افریقا #سفیر تلویزیون
