د جمعې په ورځ (۲۱ لېندۍ ۱۴۰۴)، د پاکستان صدراعظم شهباز شریف په عشق آباد کې د “سولې او باور نړیوال کال ۲۰۲۵” په اړه په نړیوال فورم کې ادعا وکړه چې هیواد یې یو ځل بیا د افغانستان له خاورې څخه د ترهګریزو بریدونو د زیاتوالي شاهد دی.
دې مسلې ته په اشارې سره، شهباز شریف له نړیوالې ټولنې وغوښتل چې د افغانستان اسلامي امارت وهڅوي چې خپل نړیوال مکلفیتونه په بشپړه توګه پلي کړي.
تر اوسه پورې، د بهرنیو چارو وزارت یا د اسلامي امارت ویاندانو د پاکستان د لومړي وزیر د دې نویو څرګندونو په اړه په رسمي ډول غبرګون نه دی ښودلی، خو د کابل چارواکو په وار وار ټینګار کړی چې د افغانستان خاوره به د هیڅ هیواد پر ضد ونه کارول شي او ترهګرې ډلې په دې هیواد کې اډه نه لري.
