د هیواد د ویلچیر باسکیټبال ملي لوبډله د فیلیپین په وړاندې د ۵۲-۴۲ په ماتې وروسته په جاپان کې د ۲۰۲۶ کال د پارالمپیک د وړتیا سیالیو څخه حذف شوه.
دا لوبه نن (جمعه، د نومبر ۱۳مه) د تایلینډ په کوربه توب د ټورنمنټ د یوې برخې په توګه ترسره شوه، او د دې ناکامۍ سره، د هیواد ملي لوبغاړو د ۲۰۲۶ کال د پارالمپیک لوبو کې د ګډون فرصت له لاسه ورکړ.
افغان لوبډلې په دې سیالۍ کې پنځه لوبې وکړې، چې په کې یې دوه د نیوزیلینډ او هند په وړاندې وګټلې او درې یې د عراق، کویټ او فیلیپین په وړاندې وبایللې.
د ویلچیر باسکیټبال فدراسیون چارواکو د لوبغاړو هڅې وستایلې او دا تجربه یې د راتلونکي پرمختګ لپاره بنسټ وګڼله.
