ایکسپریس ټریبیون ورځپاڼې راپور ورکړی، چې بندیانو له ځانه سره د سپکو لښتیو، پلخمان او دبرو بنډلونه درلودل.
دا په داسې حال کې ده چې د عمران خان په مشرۍ د پاکستان تحریک انصاف ګوند تېره ورځ (جمعه، ۱۳ میزان) د اسلام اباد په “ډي چوک” سیمه کې د یوې مظاهرې غږ کړی و. چارواکو د احتجاج ځای ته د خلکو د ورتګ د مخنیوي لپاره سخت امنیتي تدابیر نیولي وو.
چارواکو همدا راز د اسلام اباد او راولپنډۍ تر منځ ټولې لارې بندې کړې او په دواړو ښارونو کې مخابراتي خدمات هم ځنډول شوي دي.
