ایراني رسنیو ویلي، چې تر اوسه په ټول ایران کې له ۴۷، زره۸۰۷سوه ټاکنیزو مرکزونو څخه۲۳میلیونو۶۴۶ زره ۱۳۸ سوه رایې شمېرل شوي دي.
د لومړنیو پایلو له مخې چې نن (شنبه، دچنگاښ ۱۶مه) د سهار په ۵:۳۰ بجو د ایران د انتخاباتو د کمیسیون له خوا اعلان شوه، تر اوسه مسعود پزشکیان۱۲ میلیونو۷۰۴ زره ۹۱۰ سوه او سعید جلیلی ۱۰ میلیونو ۴۷۴زره ۲۳۸ سوه رایې ګټلي دي.
د یادولو وړ ده چې د ایران د څوارلسمې دورې د ولسمشرۍ لپاره رای اچونه د جمعې په سهار په ۸ بجو د دغه هیواد دننه په ۵۸ زره سایټونو او د نړۍ په څه باندې سلو هیوادونو کې په ۳۱۴ سایټونو کې ترسره شوه.
دا په داسې حال کې ده چې د انتخاباتو په دغه پړاو او په لومړي پړاو کی د دغه هیواد د ولسمشرۍ هیڅ یوه کاندید هم د مطلوبه رایو په ترلاسه کولو سره ونه توانید چې د دغه هیواد د انتخاباتو د څوارلسمې دورې دویم مقام ته لاړ شي.
د ایران د ولسمشرۍ د انتخاباتو په دوهم پړاو کې مسعود پزشکیان او سعید جلیلی له یو بل سره سیالي کړې ده.
