د بغلان ولایت د پولیسو قوماندانۍ اعلان وکړ چې د دوشي ولسوالۍ په لویه لاره کې په یوه ترافیکي پېښه کې ۲۴ کسان ټپیان شوي دي.
دا پېښه تېره شپه (پنجشنبه، د زمرۍ ۳۰ مه، ۱۴۰۴) د دوشي ولسوالۍ د “سنګ سالخ” ښوونځي په سیمه کې رامنځته شوه.
د راپور له مخې، د ۵۸۰ ډوله مسافر وړونکي بس چې له پلخمري څخه کابل ته روان و، له بل موټر سره ټکر وکړ.
د چارواکو په وینا، په پېښه کې د دواړو موټرو سپرلۍ ټپیان شوي او ټپیان د ژغورنې ټیمونو لخوا روغتیايي مرکزونو ته لیږدول شوي، او د پېښې د لامل په اړه څېړنې روانې دي.
