د هرات د اطلاعاتو او کلتور ریاست وايي چې د ولایت د امنیه قوماندانۍ د اتمې امنیتي حوزې منسوبینو په سیمه کې د مجازی لټون عملیاتو په ترڅ کې دوه وسله وال غله د ۲.۴۵ ملیون افغانیو د غلا په تور نیولي دي.
د هرات ولایت د اطلاعاتو او کلتور ریاست څخه په یوه خپره شوې خبرپاڼه کې ویل شوي چې نیول شویو کسانو په خپلو جرمونو اعتراف کړی او د دوی دوسیه به له بشپړیدو وروسته عدلي او قضايي ارګانونو ته واستول شي.
په بیان کې زیاته شوې ده چې تر پوښتنې لاندې پیسې بیرته خپل مالک ته سپارل شوې دي.
