د ازبیکستان ولسمشر شوکت میرضیایف وايي، د نړۍ په بېلابېلو برخو کې د شخړو له امله د افغانستان وضعیت د نړیوالې ټولنې په تمرکز کې نه دی.
ښاغلي میرضیایف د اذربایجان په شوشای کې د ترکیی د هېوادونو د سازمان (اوتی سی) په غیر رسمي غونډه کې د وینا پر مهال له افغانستان سره د خپل هېواد پر دوامدارو مرستو ټینګار وکړ.
هغه زیاته کړه: “موږ باور لرو چې په بهر کې د افغانستان د کنګل شویو مالی شتمنیو بیرته راستنیدل به په دې هیواد کې د ټولنیز وضعیت په ښه کولو کې مرسته وکړي.
