د «ویسنشافت» په نوم یوې جرمنيژبې ورځپاڼې راپور ورکړی چې په بریتانیا کې د مګاراپټور (Megaraptor) ډایناسور د کوپړۍ یوه برخه موندل شوې ده، چې عمر یې له ۱۲۰ میلیونه کلونو څخه زیات اټکل شوی دی. دا په اروپا کې د دې ډول ډایناسور لومړنۍ تأیید شوې موندنه بلل کېږي.
مګاراپټور یو دوهپښی ښکارکوونکی ډایناسور و، چې اوږدوالی یې له درېیو تر څلورو مترو پورې رسېده. دې ډایناسور د ښکار لپاره د خپلو مخکینیو غړو له لورې د لور په څېر کږو پنجو څخه کار اخیست، چې اوږدوالی یې شاوخوا ۲۰ سانتيمتره و.
دا موندنه ښيي چې مګاراپټور ډایناسورونه د کریتاسه دورې په لومړیو کې په اروپا کې هم اوسېدل.
