د بلخ د شیعه علماوو شورا رئیس، حجتالاسلام والمسلمین حسین علي بیاني، د افغانستان په کورنیو چارو کې د پاکستان د حکومت او پوځ پر لاسوهنو نیوکه کړې او اسلاماباد ته یې خبرداری ورکړی چې له هغو اقداماتو ډډه وکړي چې د کړکېچونو د زیاتېدو لامل کېدای شي.
نوموړي پر بریدونو او هغو څه چې د پاکستان توطیې یې وبللې، د هېواد د دفاع لپاره پر چمتووالي په ټینګار سره، د ملي ګټو پر ساتنې او د مذهبي اختلافاتو د مخنیوي پر اهمیت ټینګار وکړ.
دغه څرګندونې په داسې حال کې کېږي چې د هغو راپورونو له مخې، د افغانستان ځینې سیاسي او پوځي څېرې د اسلامي امارت د حکومت پر ضد د پاکستان له استخباراتي ادارې سره همکاري کوي.
