نړۍ
زاخارووا: د اوکراین او روسیې ترمنځ د سولې په خبرو کې د اروپايي استازو د ګډون موضوع نه ده مطرح شوې
د روسیې د بهرنیو چارو وزارت ویاندې ماریا زاخارووا، د اوکراین د جګړې د هواري په موخه د راتلونکو مذاکراتو په پړاو کې د اروپايي هېوادونو د استازو د ګډون په اړه د جرد کوشنر د څرګندونو په غبرګون کې ویلي، چې د روسیې د بهرنیو چارو وزارت د معلوماتو له مخې، دا موضوع په مسکو کې له سټیو ویټکاف او جرد کوشنر سره د خبرو پر مهال نه ده مطرح شوې.
کوشنر تر دې وړاندې په خپله اېکس پاڼه کې لیکلي وو، چې دواړو لورو د راتلونکو مذاکراتو د پراخولو او په هغو کې د امریکا د اروپايي شریکانو پر ګډون موافقه کري ده.
