د اسراییلو د رژیم پارلماني ټاکنې نن، سهشنبه (د ۱۴۰۵ کال د لړم ۵مه) پیل شوې دي. دا ټاکنې د بنیامین نتانیاهو پر سیاسي راتلونکي او په واک کې د هغه پر پاتې کېدو اغېز لرلای شي. دا د ۲۰۲۳ کال د اکتوبر پر ۷مه د حماس تر برید وروسته د اسراییلو لومړنۍ پارلماني ټاکنې بلل کېږي.
نظرپوښتنې د نتانیاهو او د هغه د سیاسي سیالانو ترمنځ نږدې سیالي ښيي او څرګندوي چې د پارلمان د اکثریت ساتل ښايي د هغه لپاره له ستونزو سره مل وي.
د اسراییلو پارلمان ۱۲۰ څوکۍ لري. څرنګه چې هېڅ ګوند په یوازې ځان مطلق اکثریت نه شي ترلاسه کولای، نو د حکومت جوړولو لپاره د ګوندونو ائتلاف ته اړتیا ده؛ دا بهیر ښايي څو اوونۍ وخت ونیسي.
