سیمهییزو سرچینو راپور ورکړی چې د بلوچستان د ازادۍ پوځ (BLA) نن د پاکستان د بلوچستان ایالت په ګوادر ښار کې له پاکستاني پوځي ځواکونو سره نښته کړې ده. په ځینو راپورونو کې د ښار د ځینو برخو او د پاکستان د پوځ اړوندو مرکزونو د نیولو ادعا هم شوې ده.
په ورته وخت کې، د پاکستان او ایران ترمنځ پر پوله د ریمدان پر سرحدي بندر د وسلهوالو کسانو د برید راپورونه هم خپاره شوي دي. د بلوچستان د بشري حقونو د اسنادو شبکې په وینا، په دې پېښه کې د ایران او پاکستان یو شمېر باروړونکي موټر او ټرېلرونه له خپلو بارونو سره سوځول شوي دي.
ناتایید شوي راپورونه همداراز د ډزو له امله د یو شمېر موټرچلوونکو د ټپي کېدو خبر ورکوي. تر اوسه د مرګژوبلې د کره شمېر، د بریدګرو د هویت او د اوښتو زیانونو په اړه خپلواک معلومات نه دي خپاره شوي.
ځینې راپورونه په ګوادر کې پر پاکستاني پوځيانو د برید پر مهال د چاودېدونکو توکو بار شوي موټر د کارولو خبر هم ورکوي. د دغو پېښو جزئیات او د ښار د نیولو ادعا لا هم خپلواک تایید ته اړتیا لري.
د خبر اړوند ویډیو له لاندې لینک څخه وګورئ.
