د افغانستان د فوټبال له ۱۵ کلونو کم عمره ملي لوبډلې لوبغاړي د ۲۰۲۶ کال د فوټبال په نړیوال فستیوال کې د ګډون په موخه له کابله آذربایجان ته روان شول، چې د دغو سیالیو کوربهتوب کوي.
دغه فستیوال د لومړي ځل لپاره د فوټبال نړیوال فدراسیون (فیفا) له خوا جوړ شوی او موخه یې د نړیوالو سیالیو لپاره د فرصتونو برابرول او د فوټبال د ځوانو استعدادونو وده بلل شوې ده.
د راپورونو له مخې، د فیفا د شاوخوا ۱۹۰ غړو فدراسیونونو استازي به په دغه فستیوال کې ګډون وکړي.
