د یمن د وسلهوالو ځواکونو ویاند ویلي، چې سعودي جنګي الوتکو په تېرو ۲۴ ساعتونو کې د یمن پر بېلابېلو سیمو ۵۲ هوايي بریدونه کړي دي.
د نوموړي په وینا، دغه بریدونه د خمیس مشیط او طایف له پوځي اډو څخه ترسره شوي او د تعز ولایت ځینې سیمې یې په نښه کړې دي، چې مکتبونه، پلونه او سړکونه هم پکې شامل دي.
نوموړي زیاته کړې چې د الجوف، البیضاء، صعده او عمران ولایتونو کې هم ځینې سیمې د هوايي بریدونو هدف ګرځېدلې دي او ټینګار یې کړی چې دغه بریدونه به «بېځوابه پاتې نه شي».
