د کامایر او پاکستان انټرنشنل ایرلاینز (PIA) هوايي شرکتونو ترمنځ داسې هوکړه لاسلیک شوې چې له مخې به یې مسافر وکولای شي د یوه ټکټ او یوهځلي د الوتنې د ثبت له لارې، په ګډو مسیرونو کې خپل سفر بشپړ کړي.
د دې هوکړې له مخې، د مسافرو بکسونه او بارونه به هم د اسلاماباد له لارې په مستقیم ډول تر وروستي منزل پورې انتقالېږي او مسافر به اړتیا ونه لري چې خپل بارونه بیا ثبت کړي.
د کامایر مسؤلان وايي، د دې همکاریو لومړنی مسیر به کابل د اسلاماباد له لارې د سعودي عربستان له دمام ښار سره ونښلوي.
