د پاکستان د مالیې وزیر محمد اورنګزیب اعلان کړی چې اسلام آباد له امریکا څخه غوښتي چې د خصوصي پانګوالو د باور د لوړولو لپاره د ۱۰ ملیارد ډالرو د تبادلې لاین جوړ کړي.
د تبادلې لاین یو مالي چوکاټ دی چې له مخې یې دوه هیوادونه یا مرکزي بانکونه یو بل ته هغه اسعار چمتو کوي چې دوی ورته اړتیا لري ترڅو د اړتیا په وخت کې د بهرنیو اسعارو کمښت او په مالي بازارونو فشار کم کړي.
اورنګزیب فایننشل ټایمز ته وویل چې په دې اړه له واشنګټن سره خبرې په رغنده توګه روانې دي او اسلام آباد هیله لري چې په راتلونکو څو میاشتو کې ځواب ترلاسه کړي.
د پاکستان د مالیې وزیر زیاته کړه چې هیواد هڅه کوي خپل صادرات زیات کړي او د تادیاتو د توازن ستونزې تکرار کمې کړي.
#پاکستان #امریکا #اقتصاد #مالیه #بهرنۍ_تبادله #پانګه اچونه #مالي_ټایمز #سفیر_ټی وی
