د سرحدونو، قومونو او قبایلو وزارت د سرحدي څېړنو مرستیال، مولوي عنایت الله شجاع، پرون د یو پلاوي په مشرۍ د کندز ولایت د امام صاحب ولسوالۍ بندر شیرخان ته سفر وکړ.
د دې سفر په جریان کې، هغه د پولې ته نږدې سیمو له اوسیدونکو او د سرحدي کمیسیون او لوا له چارواکو سره ولیدل او د سیمې د عمومي وضعیت او د سرحدي شرایطو په اړه یې خبرې وکړې.
مولوي شجاع د بندر شیرخان له یو شمیر مهمو ځایونو څخه هم لیدنه وکړه او د سرحدي وضعیت او د ځایی اوسیدونکو د ژوند شرایط یې له نږدې وڅېړل.
پدې غونډه کې، د ځایی اوسیدونکو ستونزې او غوښتنې هم په مستقیم ډول واورېدل شوې، او د سرحدونو، قومونو او قبایلو وزارت پلاوي د خلکو د ستونزو په حل او د هغوی د اړتیاوو د پوره کولو لپاره د اړینو اقداماتو په کولو ټینګار وکړ.
#افغانستان #تاجکستان #بند_شیر_خان #کندوز #امام_صاحب #سرحد #وزارت_سرحد_افغانستان #سفیر_تلویزیون
