نړۍ
کالاس: اروپايي ټولنه به سږ کال په مني کې د روسیې پر وړاندې د بندیزونو تر ټولو لوی لیست وړاندیز کړي
د اروپايي ټولنې د بهرنۍ پالیسۍ مشرې کایا کالاس ویلي چې اروپايي ټولنه به په روان مني کې د اوکراین د جګړې له پیل راهیسې د روسیې پر وړاندې د بندیزونو تر ټولو لوی لیست وړاندیز کړي.
د کالاس په وینا، که چیرې دا وړاندیز تصویب شي، نو د روسیې پر وړاندې د بندیزونو شمېر به شاوخوا ۳۳٪ زیات شي.
د جولای په ۲۳مه، اروپايي ټولنې د بندیزونو ۲۱مه بسته تصویب کړه، چې پکې د یو شمېر روسي بانکونو پر وړاندې مالي بندیزونه، د روسیې د “سیوري بیړۍ” په نوم یادیدونکي اقدامات او د هیواد د تیلو د بیو د حد غځول شامل دي.
روسي چارواکو په وار وار ویلي چې د هیواد اقتصاد د لویدیځ د بندیزونو فشار سره د مقابلې توان لري؛ پداسې حال کې چې ځینو لویدیځو چارواکو او کارپوهانو هم د بندیزونو د اغیزمنتوب په اړه شکونه څرګند کړي دي.
#EU #Russia #Sanctions #Kaya_Kalalas #Ukraine #Ambassador_TV
