په یمن کې د پرمختګونو سره د تهران د تړاو په اړه د ادعاوو په ځواب کې، د ایران د بهرنیو چارو وزارت ویاند دا څرګندونې “د واقعیت تحریف” وبللې او ټینګار یې وکړ چې د یمن مسله باید د خبرو اترو له لارې حل شي.
هغه وویل چې متحده ایالاتو او صهیونیسټ رژیم تاوتریخوالی پیل کړی، او د هر هغه څه مسؤلیت چې په سیمه او هاخوا کې پیښیږي لومړی د متحده ایالاتو او بیا د هغې د متحدینو په غاړه دی.
د ایران د بهرنیو چارو وزارت ویاند دا هم وویل چې د ایران په وړاندې د امریکا جګړه د ټولې سیمې په وړاندې جګړه ده، او زیاته یې کړه چې په سیمه کې د امریکا پوځي شتون په وروستیو میاشتو کې ناامني او بې ثباتي زیاته کړې ده.
هغه ټینګار وکړ چې د ګواښونو په وړاندې یوازینۍ مخنیوی د ایران د اسلامي جمهوریت واک او دفاعي وړتیاوې دي.
#ایران #امریکا #یمن #لویدیځ آسیا #د بهرنیو چارو وزارت #سفیر تلویزیون
