د پاکستان د بلوچستان ایالت د مرکز کویټې په څنډه کې د ډبرو سکرو په کان کې د چاودنې له امله لږ تر لږه ۳۲ کان کیندونکي مړه شوي او ۱۰ نور تر ځمکې لاندې بند پاتې دي.
د اسوشیټیډ پریس په وینا، سیمه ییزو چارواکو ویلي چې چاودنه احتمالاً د کان دننه د میتان ګاز د راټولیدو له امله شوې ده؛ د ژغورنې کارکوونکو تر دې دمه د ۳۲ قربانیانو جسدونه را ایستلي دي.
د بلوچستان د ناورین مدیریت ادارې ویلي چې د لټون او ژغورنې عملیات دوام لري؛ چارواکو خبرداری ورکړی چې د چاودنې وروسته د اکسیجن په کچه کې د چټک کمښت له امله د مړو شمېر لوړېدلی شي.
#پاکستان #بلوچستان #د ډبرو سکرو_کان کیندنه #چاودنه #سفیر_ټی وی
