د ایران د پوځ د عامه اړیکو څانګې اعلان وکړ چې د “تندر” عملیاتو په ۲۷م پړاو کې، د کویت په احمد الجابر اډه کې د امریکا د پوځ د جنګي جیټ الوتکو هنګرونه، د سپوږمکۍ مخابراتي سیسټمونه او د تجهیزاتو ګودامونه د ویجاړونکو ډرونونو سره په نښه شوي دي.
په اعلامیه کې ویل شوي چې دا برید د امریکا د وروستي یرغل او په قشم ټاپو کې د استوګنې په کور باندې د برید په ځواب کې ترسره شوی دی؛ د ایران پوځ د احمد الجابر اډه په سیمه کې د امریکایي ځواکونو لپاره د ملاتړ او هوایي عملیاتو یو مهم مرکز بللی دی.
د پوځ د عامه اړیکو څانګې دا هم راپور ورکړی چې د پوځ او سپاه پاسداران انقلاب ځواکونو بریدونو د امریکا لپاره د ایراني بې پیلوټه الوتکو او توغندیو مخه نیول ستونزمن او ګران کړي دي، او واشنګټن د سخت سانسور له لارې د خپلو زیانونو او تلفاتو د جزیاتو خپرولو مخه نیسي؛ دا ادعا لا تر اوسه د امریکا چارواکو یا خپلواکو سرچینو لخوا نه ده تایید شوې.
#ایران #امریکا #کویت #احمد_الجابر_سایټ #سفیر_ټلویزیون
د خبرونو اړوند ویډیو د لاندې لینک څخه وګورئ
https://t.me/SafirTelevision1/34505
