د راپورونو له مخې، د نیویارک ښار د کوینز په فلشنګ سیمه کې د یوې لویې اورلګېدنې له امله لږ تر لږه ۲۱ کسان، د ۱۹ اور وژونکو په ګډون ټپیان شوي دي.
رویټرز راپور ورکړی چې اور د شنبې په سهار په سیمه ایز وخت شاوخوا ۱۰ بجې د کالج پواینټ بولیوارډ ته نږدې په یوه استوګنیزه ودانۍ کې پیل شو او بیا دوو نږدې ودانیو ته خپور شو.
د نیویارک د اور وژنې څانګې ویلي چې ټول ټپیان شوي اور وژونکي د درملنې لپاره روغتون ته وړل شوي دي. سیمه ایزو رسنیو راپور ورکړی چې پنځه کسان د منځني او سختو ټپونو سره مخ دي، چې یو یې په جدي حالت کې دی.
چارواکو دا هم ویلي چې د ژغورنې کارمندانو د اور لګېدو له ودانۍ څخه یو شمیر اوسیدونکي ژغورلي دي. د پیښې لامل لا تر اوسه روښانه نه دی او تحقیقات روان دي.
#نیویارک #اور #امریکا #فلشنګ #کوینز #اور وژونکی #سفیر تلویزیون
