د ملګرو ملتونو د تحقیقاتو کمیسیون په یوه نوي راپور کې اعلان کړی چې اسراییل په قصدي ډول فلسطیني ماشومان په نښه کوي، دا یو عمل دی چې د ادارې په وینا، په غزه کې د نسل وژنې، جنګي جرمونو او د انسانیت پر وړاندې جرمونو سره مخ کیدی شي.
د راپور له مخې، د ۲۰۲۳ کال د اکتوبر په میاشت کې د غزې د جګړې له پیل راهیسې شاوخوا ۳۰ سلنه قربانیان ماشومان دي.
ملګرو ملتونو دا خبرداری هم ورکړی چې د نوي زیږیدلو ماشومانو د پاملرنې مرکزونو، د زیږون روغتونونو او د زیږون مرکزونو باندې بریدونه د فلسطینیانو د راتلونکو نسلونو روغتیا ته جدي ګواښ دی.
په راپور کې ویل شوي چې د دې وضعیت دوام د فلسطینیانو ترمنځ د سقط جنین، د زیږون نیمګړتیاو او اوږدمهاله روغتیا زیانونو زیاتوالي لامل شوی دی.
د ملګرو ملتونو د تحقیقاتو کمیسیون په نړیواله ټولنه غږ کړی چې د ملکي وګړو، په ځانګړې توګه د ماشومانو د ساتنې لپاره اغیزمن او بیړني اقدامات وکړي.
#غزه #فلسطین #جرم #ملګري ملتونه #ماشومان #بشري حقونه
