د کریملین ویاند دیمیتري پیسکوف اعلان کړی چې که د سولې تړون نهایی شي، نو په مسکو یا بل ځای کې به د ولادیمیر پوتین او ولادیمیر زیلینسکي ترمنځ لیدنه ممکنه وي.
پیسکوف دا هم وویل چې په اوکراین کې جګړه “په هره شیبه کې” پای ته رسیدلی شي په دې شرط چې اوکراین اړین پریکړې وکړي؛ هغه زیاته کړه چې د سولې پروسې د پرمختګ لپاره ډیری ګامونه اخیستل شوي، مګر دا د دې پروسې د جزیاتو په اړه په اوسني وخت کې خبرې کول له وخته مخکې دي.
په ورته وخت کې، د اوکراین ولسمشر ولادیمیر زیلینسکي اعلان کړی چې هغه د G7 سرمشریزې په څنډه کې د خپل روسي سیال سره د لیدنې وړاندیز کړی، مګر پوتین لا تر اوسه په رسمي ډول خپل چمتووالی نه دی اعلان کړی.
زیلینسکي، د G7 سرمشریزې کې د ډونالډ ټرمپ او اروپایي مشرانو شتون ته په اشارې سره، دا پیښه د جګړې د پای ته رسولو لپاره د مستقیمو خبرو اترو لپاره یو ښه فرصت وګڼله.
د اوکراین ولسمشر دا هم ټینګار وکړ چې په سرمشریزه کې به د هغه یو له لومړیتوبونو څخه دا وي چې نور هوايي دفاعي سیسټمونه ترلاسه کړي او له لویدیځو شریکانو سره مشوره وکړي ترڅو په روسیه باندې د جګړې د بندولو لپاره فشار زیات کړي.
#روسیه #اوکراین #پوتین #زیلینسکي #کریملین #G7 #اوکراین_جګړه #د سولې_خبرې اترې
