د فراه د پولیسو قوماندانۍ اعلان کړی چې د فراه رود ولسوالۍ کې د ترافیکي پېښې له امله درې کسان وژل شوي او ۱۱ نور ټپیان دي.
د فراه د پولیسو د قوماندانۍ د مطبوعاتي دفتر مشر ملا کلیم الله ننګیال وویل چې دا پېښه د فراه رود ولسوالۍ د حاجي وهاب خان ګاز سټیشن ته نږدې د هایلکس او فیلډر ترمنځ د ټکر له امله رامنځته شوې ده.
د هغه په وینا، په مړو کې یوه ښځه او یو ماشوم هم شامل دي؛ د هایلکس سپرلۍ د نیمروز ولایت اوسیدونکي وو او د فیلډر سپرلۍ د فراه ولایت اوسیدونکي وو.
ننګیال زیاته کړه چې د لویې لارې قول اردو امنیتي ځواکونه په وخت سره د پیښې ځای ته ورسیدل او ټپیان یې د درملنې لپاره روغتیايي مرکزونو ته ولیږدول.
#فراه #فراه_رود #ټرافيکي_حادثه #تلفات #نیمروز #د سړک_خوندیتوب
