د غزې د مرستې او ژغورنې سازمان اعلان کړی چې د اسراییلي رژیم لخوا د غزې ښار په مرکز کې د استوګنې په یوه ودانۍ بمبارۍ وروسته لږ تر لږه ۱۰ کسان شهیدان شوي دي، چې څلور ماشومان هم پکې شامل دي.
د راپورونو له مخې، دا برید تېره شپه شوی او یو شمېر نور ټپیان شوي دي؛ خپاره شوي انځورونه د هدف شوې ودانۍ پراخه ویجاړتیا ښیي.
په غزه کې د استوګنې په سیمو د اسراییلي رژیم بریدونه دوام لري پداسې حال کې چې نړیوالو او مرستندویه سازمانونو په مکرر ډول د ملکي تلفاتو د زیاتوالي خبرداری ورکړی، په ځانګړې توګه د ماشومانو.
د لاندې لینک څخه د خبرونو پورې اړوند ویډیو وګورئ
https://t.me/SafirTelevision1/32470
