د صفیر تلویزیون شبکې ځینو لیدونکو د عکسونو په لیږلو سره راپور ورکړی چې تیره شپه د بغلان ولایت د برکه ولسوالۍ په څو کليو کې سخت سیلابونه راغلي دي، چې په کې انبار تیپه، پاسکم، پهلوان تاش، تنګي مرچ او فالول شامل دي.
د سرچینو په وینا، دې سیلابونو د سیمې اوسیدونکو ته درانه مالي زیانونه اړولي دي او د خلکو ملکیتونه او شیان یې له ځانه سره وړي دي.
د لومړنیو معلوماتو له مخې، په دې پیښه کې د انبار تیپه کلي ۴ اوسیدونکي او د پاسکم کلي ۸ اوسیدونکي مړه شوي دي، او د یو شمیر قربانیانو جسدونه لا نه دي موندل شوي.
ځایي اوسیدونکو له چارواکو څخه غوښتنه کړې چې د ټپیانو وضعیت ته سمدلاسه رسیدګي وکړي او اړینې مرستې چمتو کړي.
د لاندې لینک څخه د خبرونو پورې اړوند ویډیو وګورئ
https://t.me/SafirTelevision1/32293?single
