وال سټریټ ژورنال د امریکایي چارواکو په حواله راپور ورکړی چې په دې وروستیو کې ایراني توغندیو په سعودي عربستان کې د شهزاده سلطان هوايي اډه په نښه کړه او په ځمکه کې ولاړ پنځه امریکایي هوايي ټانکرونه یې سخت زیانمن کړل.
دا برید د ایران د خاورې په وړاندې د امریکا او اسراییلو د یرغل په وړاندې د ایران د پراخ غبرګون یوه برخه وه او په سیمه کې یې د امریکا د هوايي لوژستیکي وړتیاوو ته درانه زیانونه اړولي دي.
مخکې له دې، د امریکا مرکزي قوماندې (CENTCOM) هم تایید کړې وه چې د KC-135 ټانکر د مقاومت ځواکونو لخوا په عراق کې د ماموریت پرمهال ویشتل شوی دی.
دا پیښې د فارس خلیج په سیمه کې د امریکا د پوځي زیربناوو او شتمنیو په وړاندې د عملیاتو د زیاتوالي ښودنه کوي.
