د ملګرو ملتونو د ماشومانو وجهي صندوق (یونیسف) په یوه نوي راپور کې خبرداری ورکړی چې په ۲۰۲۶ کال کې به په افغانستان کې له ۲۱ ملیون څخه ډیر خلک، چې ۱۱.۶ ملیون ماشومان هم پکې شامل دي، بیړني بشري مرستو ته اړتیا ولري.
راپور ټینګار کوي چې په افغانستان کې اوسنی بحران د پراخې بې وزلۍ، اقتصادي بې ثباتۍ، د اقلیم د بدلون پایلو او د څلورو لسیزو څخه ډیرو جګړو او ناامنیو له امله رامینځته شوی.
ښځې او نجونې د ثانوي زده کړو د بندیز او په کارموندنې باندې د سختو محدودیتونو له امله تر ټولو ډیر اغیزمنې دي، او دا وضعیت د “سیستمیک حقونو بحران” ګرځیدلی دی.
یونیسف اعلان وکړ چې په ۲۰۲۶ کال کې د بیړنیو اړتیاوو ځواب ویلو او د ژوند ژغورنې خدماتو چمتو کولو لپاره د سیمه ایزو سیسټمونو پیاوړتیا لپاره ۹۴۹.۱ ملیون ډالرو تمویل ته اړتیا لري، په شمول د بیړني روغتیا او تعلیم، د خوارځواکۍ درملنه او د څښاک اوبه ۱۲ ملیون خلکو ته، چې ۶.۵ ملیون ماشومان هم پکې شامل دي.
